تشيز كيك التوت

الفيديو على قناتنا:

المقادير:
المقادير:
18 قطعة بسكويت ( Digestive)
 6 ملاعق كبيرة زبدة ذائبة
 كوب وثلث سكر أبيض عادي 
(٤٥٢ غرام) يعني ٢ علبة كريمة جبن مخفوقة Philadelphia) Whipped Cream Cheese أو Crystal) 
٢ بيضة كبيرة 
١ ملعقة صغيرة فانيلا سائلة.
 نصف كوب قشطة رائبة (Sour Cream) 
ربع كوب طحين
توت أزرق طازج

الكمية: 5-7 أشخاص.

مقاس الصينية: صغير (8 inch)

ملاحظة بالنسبة لكريمة الجبن المخفوقة: 

عندكم خيارين: فيلادلفيا أو كريستل

إذا مالقيتوا المخفوقة ممكن نستخدم كريمة الجبن العادية:

الطريقة:

الطبقة الأولى:

-  18 قطعة بسكويت ( استخدمت Digestive) أو Graham Crackers

"ممكن طحنه أو الطريقة اللي سويتها بالفيديو يعني اللي يناسبك.

-  6 ملاعق كبيرة زبدة ذائبة

-  ثلث كوب سكر

تحرك جيداً بالملعقة إلى أن تتداخل.

نحظر صينية قابلة للفتح مقاسها صغير ونبدأ نضع طبقة البسكويت ،
نضغط ضغطات خفيفة ماتكون قوية يعني زي المساج ونتأكد من تغطية الزوايا بارتفاعات متساوية.

(إذا حسيت أن طبقة البسكويت مو متماسكة ممكن تدخله الفرن لمدة عشر دقائق فقط).

الطبقة الثانية:

-    ٢ علبة (Philadelphia Whipped Cream Cheese - 8 oz (226g.

تلقونها بالتميمي والدانوب بقسم المستورد أو إذا مالقيتوا المخفوقة ممكن تحطون العادية  Cream Cheese .

-    ١ كوب سكر 

استخدم الخلاط اليدوي إلى ماتتداخل.

-    ٢ بيضة كبيرة 

أضيف البيضة الأولى مع التحريك بالخلاط اليدوي ثم أضف الثانية وحرك.

-   ١ ملعقة صغيرة فانيلا سائلة.

-   نصف كوب قشطة رائبة (Sour Cream) 

اللي هي كريمة حامضة تلقونها بالثلاجات مكتوب عليها قشطة رائبة بعلبة مُشابه لعلب الزبادي.

-   ربع كوب طحين 

نحركها بالخلاط إلى أن تتجانس، يعني أول ماتحس أنه تداخل يكفي تحريك، لاتزيد تحريك بدون حاجة.

نضيف التوت الأزرق الطازج أو تستبدلين التوت بـ ( فراولة مُقطعة )
 ونحركه بالملعقة عشان يتوزع مع الخليط ثم نسكبه بالصينية فوق طبقة البسكويت ونوزعها بالملعقة بشكل متساوي.

الفرن:

نشغله قبل استخدامه ١٠ دقائق، درجة الحرارة متوسطة:

350= °F  

176= °C  

نغلف الصينية من تحت بالقصدير عشان الزبدة ماتوسخ الفرن، يعني مو شرط تنزل الزبدة بس احتياط.

ندخل الصينية بالفرن إذا غاز من تحت راح تجلس (ساعة وعشر دقائق).
*( الطريقة التقليدية للتشيز كيك أنه نحطه بحمام مائي داخل الفرن بس مايحتاج، راح ندخل الصينية على طول بدون حمام مائي).

ممكن تدخل عود عشان تتأكد من أنها اكتفت طبخ، العود بعد ماتدخله بالطبقة ماراح يكون نظيف بيكون عليه قطع من الطبقة زي قوام التشيز كيك يعني ماراح يكون العود نظيف مره ولامليان مره يميل للسائل.

نقطة مهمة بعد إغلاق الفرن نخليها تبرد على درجة حرارة الفرن بعد اغلاقه لمدة ساعة،
 عشان ماتشقق الطبقة أو تنزل من الوسط إذا تعرضت لتيارات هواء من المطبخ.

 نحطها بالثلاجة لمدة ٥ ساعات أو يُفضل ليلة كاملة.

إذا طلعتيها من الثلاجة ممكن اضافة صوص التوت الجاهز أو مربى التوت أو كريمة،
 اعتقد قطع التوت المخلوطة كافية.

شاركونا تطبيقاتكم بالتويتر والانستقرام achicthing#